മുള്ളുവേലിക്കരികില്‍
കുപ്പിക്കഷ്ണങ്ങള്‍
കണ്ണാടിചീളുകള്‍
കാതു പോയ ചായക്കോപ്പ
അങ്ങിനെ വീടിനുള്ളീല്‍
ഉടഞ്ഞതെല്ലാം
ഇടക്കിടെ മുള്ളീലുടക്കി
വലിയുന്ന നോട്ടങ്ങള്‍
വേലിയുടെ സുതാര്യതയിലൂടെ
അതിര്‍ത്തി ലംഘിക്കുന്ന കാറ്റ്
എത്തി നോക്കി കണ്ണിറുക്കും
വള്ളീപ്പടര്‍പ്പുകള്‍
മുള്ളുപെടാതെയമര്‍ന്നു കടന്ന്
മുറ്റം ചികയും കോഴികള്‍
എന്നാലിന്നലെ വാക്കുകളുടെ
അതിര്‍ത്തിമുറിഞ്ഞ്
മണ്ണും ചോരയും ഒന്നായിയപ്പോള്‍
വേലിക്കുള്ളില്‍
ഇല്ലായിരുന്നു
ഞാനും നീയും കളിച്ചു വളര്‍ന്ന
നമ്മുടെ വീട്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ